GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı milli-mədəni fəal Məhəmməd Əbdülməhəmmədzadə Təbriz həbsxanasından məzuniyyətə buraxılıb.
Əbdülməhəmmədzadənin iyunun 9-da günortadan sonra 30 milyon tümən dəyərində mülki vəsiqə girov qoyaraq zaminə buraxıldığı bildirilir.
Təbriz sakini olan azərbaycanlı milli fəalın xəstəlik üzündən 10 gün müddətinə müvəqqəti olaraq sərbəst buraxılıb və xəstəliyinə görə məzuniyyət müddətinin uzadılması da ehtimal edilir.
Qeyd edək ki, Əbdülməhəmmədzadə şərlənərək “Xameneinin təhqir etmək” və “Sistem əleyhinə təbliğat aparmaq”da ittiham olunmuşdur. O birinci ittihama görə 15 ay, ikincinə görə isə 12 ay həbs cəzasına məhkum edilmişdir.
Azərbaycanlı fəal ümumilikdə 27 ay həbsə məhkum edilmişdir.
