GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil lan məlumata görə, irqçi fars-molla rejimi Tehranın Evin zindanında həbsdə saxladığı rəssam və azərbaycanlı milli fəal Murtaza Pərvinin müvəqqəti həbs müddəti bir ay daha uzadıb.
Məlumata görə, azərbaycanlı milli fəalın həbsinin uzadılması qərarı Tehranın İnqilab Prokurorluğunun 5-ci istintaq bölməsinin müstəntiqi Nasir Cəlayir Sərnəqi tərəfindən verilib.
Fevralın 6-da Ərdəbildəki şəxsi mənzilində həbs edilən milli fəal Murtaza Pərvin fevralın 11-də Evin həbsxanasının təcridxanasına köçürülüb.
Molla rejimin həbs edib Evin zindanına köçürdüyü bir neçə başqa azərbaycanlı fəalın da həbs müddətlərinin uzadılması güman edilir.
Qeyd edək ki, Evin zindanında saxlanılan azərbaycanlı milli fəallar Səid Camalzadə, Baqir Hacızadə, Ayaz Seyfxah, Kamal Nuri, Araz Aman, Tahir Nəqəvi, Kərəm Mərdanənin isə həbs müddətləri artıq üçüncü aya qədəm qoyub.
