GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Babək qalası qurultayı ilə bağlı azərbaycanlı fəalların yhəbs dalğası genişlənir.
Dünən azərbaycanlı fəallar Murtəza Pərvin, Höccət Fikri, Əli Ruhbəxş və Məhəmməd Azad Kəleybərin girişində irqçi fars rejimin təhlükəsizlik qüvvələri tərəfindən yaxalanıb.
Bir neçə gün öncə Tehranda yaxalanan azərbaycanlı fəal İbrahim Nurinin qardaşı Fərəc Nuri dünən Əhər şəhərində yaxalanıb
İyul ayının 4-də Kiyurmərs İslami Muğanın Parsabad şəhərində və Murtaza Yəzdani Urmiyada saxlanılaraq naməlum istiqamətə aparılıb. Yaxalananların sayə indiyədək 30-a yaxınlaşıb.
Yaxalananlardan başqa yüzlərlə azərbaycanlı çağrılmaq, telefon əlaqəsi, SMS və s. vasitələrlə rejim tərəfindən hədələnmişlər. O cümlədən Məhərrəm Kamrani, Saleh Molla Abbasi, Əkbər Əbulzadə, Nima Abbaspur və Mehdi Zəncir Bulaği Əhərdə, Fərdim Muradpur, Ramin Cəbraili, Siyamək Kuşi, Əbülfəzl Cani, Nasir Əlimuradi, Yunis Zariyun, Rəşid Daneşcuyi və Səccad Budaqi Təbrizdə təhlükəsizlik orqanlarına çağırılaraq sorğu-suala tutulub və təhdid edilib. Onlara bildirilib ki, Babək qalası yürüşünə qatılacaqları təqdirdə təhlükəsizlik qüvvələri tərəfindən yaxalanacaqlar.
