GADTB Güney Azərbaycan Demokratik Türk Birliyi
GADTB: Channel 12 telekanalının yaydığı məlumata görə, BMT-nin keçmiş nüvə müfəttişi və “Elm və Beynəlxalq Təhlükəsizlik İnstitutu”nun rəhbəri David Albright İranla əldə olunacaq hər hansı nüvə razılaşmasının bütün zənginləşdirilmiş uran ehtiyatlarının ölkədən çıxarılmasını əhatə etməli olduğunu bildirib.
O vurğulayıb ki, söhbət yalnız yüksək səviyyədə zənginləşdirilmiş urandan deyil, bütün ehtiyatlardan gedir.
ABŞ-ın İranla yeni razılaşma əldə etmək səylərinin artdığı bir vaxtda danışan Albright qeyd edib ki, əsas məqsəd İranda mövcud olan təxminən 10 ton zənginləşdirilmiş uranın tam şəkildə ölkədən çıxarılması olmalıdır.
Onun sözlərinə görə, bu ehtiyatların əhəmiyyətli hissəsinin İranda qalması “pis razılaşma” anlamına gələcək.
