GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyə Silahlı Qüvvələri Afrində “Zeytun budağı” əməliyyatını həyata keçirərkən Suriya rejimi PKK\PYD terrorçularına yardım edir.
Axar.az bu barədə “Röyter” araşdırma yazısına istinadən məlumat yayıb.
Yazıda Əsəd rejiminin terrorçuların Afrinə silah və yaraqlı daşımasına şərait yaratması ilə yanaşı, terror kortejinin türk ordusuna qarşı göndərilməsi üçün Tel-Rıfat dəhlizini açıq saxladığı qeyd olunub. PKK-nın Tel-Abyad və Qamışlıdan gətirdiyi kortejlər rejimin nəzarətində olan Nubbul və Zəhra xəttindən keçərək Afrinə gəlir. Burada isə Türkiyə ordusuna qarşı döyüşlərə göndərilir.
“Röyter” “Dost yoxsa düşmən? Əsəd suriyalı kürdləri Türkiyəyə qarşı gizli şəkildə dəstəkləyir” başlıqlı xəbərində PKK-nın mühüm üzvlərinin etiraflarına da yer verib. PKK döyüşçüləri Əsədin onlara yardım etdiklərini bildirərək, rejim ilə işbirliyi qurduqlarını deyiblər.
Bunun Suriyada təhlükəsiz bölgə üçün daim beynəlxalq aləmi birliyə çağıran Türkiyəyə ikiqat zərbə olduğu vurğulanır.
Qeyd edək ki, daha əvvəl Suriya cinayətkar başçısı Bəşər Əsədin rəsmi nümayəndələrinin PKK komandirləri ilə görüşməsi haqda xəbərlər yayılmışdı.
