GADTB Güney Azərbaycan Demokratik Türk Birliyi
GADTB: “Şəhərdari Azərbaycan” voleybol komandasının oyunu zamanı Urmiyənin 6 min nəfərlik Durnalar Yuvasi idman zalı bir daha şəhərin türk-Azərbaycan kimliyi ilə canlandı.
Azərbaycanlı tamaşaçılar məşhur marş — “Azərbaycan sən-sən, mənim hürriyyətim, şan-şöhrətim…” marşını birlikdə səsləndirərək zalda coşqu, qürur və milli ruh yaratdılar.
Bu görüşdə yalnız milli marşlar deyil, Urmiyə gölünün kritik vəziyyətinə dair etiraz şüarları da geniş şəkildə səsləndirilib. 12 Azər 1404 tarixində keçirilən oyunda azarkeşlər:
“Gəlin gedək ağlayaq, Urmu gölün dolduraq”
“Urmu gölü can verir, Məclis onun qətlinə fərman verir” kimi şüarlarla gölün vəziyyətinə biganə qalan rəsmi qurumlara etirazlarını ifadə ediblər.
Görüş zamanı “Azərbaycan var olsun, istəməyən kor olsun”, “Türk dilində mədrəsə olmalıdır hər kəsə” kimi milli şüarlar da tribunaları bürüyüb.
Matçın sonunda Şəhərdari Urmiya komandası 3–1 hesabı ilə Mis Rəfsəncan üzərində qələbə qazanaraq Urmiyalı azarkeşlərə sevinc yaşadıb.
