GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, “G7” dövlətləri İrandan gərginliyi azaltmağı tələb edib. Bu barədə mesajı İtaliya “G7” adından İrana çatdırıb.
“G7” ölkələri tərəfindən dəstəklənən mesajda İran tərəfi təmkinli olmağa və gərginlikdən çəkinməyə çağırılır. “Prezident Pezeşkianın rəhbərlik etdiyi yeni administrasiyanın və İranın bütün qurumlarının Avropa ilə dialoqa getməsi bizim üçün vacibdir. İtaliya və “G7” ölkələri gərginliyin azaldılması məqsədilə istənilən siyasi və diplomatik fəaliyyətdə iştirak etməyə həmişə hazırdır”, – deyə müraciətdə qeyd olunur.
“G7” və ya Böyük Yeddilik – Britaniya, Almaniya, İtaliya, Kanada, Fransa, Yaponiya və ABŞ-ni birləşdirən qeyri-rəsmi beynəlxalq klubdur. İtaliya 2024-cü ildə G7-yə sədrlik edəcək.
