GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın 2006-cı il may tarixində milli qiyamının şəhidlərindən Fərzad Əsədpur və Eyvəz Səyyahinin adları Urmiya Qəbristanlığı satının axtarış sistemindən (http://motavafian.urmia.ir) ləğv edilib. Həmin şəhidlərimizin adının İran adlanan ölkənin təhlükəsizlik qüvvələrinin təzyiqi ilə silindiyi söylənilir.
Əldə etdiyimiz məlumata görə, Urmiyəli fəallar Güney Azərbaycan şəhidlərinin adlarının necə silindiyi məsələsini araşdırmaqla məşğuldurlar.
Qeyd edək ki, Urmiyadan olan şəhid Eyvəz Səyyahi 2006-cı il mayın 23-də Urmiyədə keçirilən etiraz aksiyalarında rejimin təhlükəsizlik qüvvələrinin hücumu nəticəsində şəhid olub. Urmiyadan olan şəhid Fərzad Əsədpur da 2006-cı il mayın 24-də keçirilən etiraz aksiyasında rejimin təhlükəsizlik qüvvələri tərəfindən vurularaq, şəhid edilib.
