Cümə axşamı , Noyabr 19 2026
azfa

İran rejimi azərbaycanlı fəalın iş fəaliyyətinə mane olur

GADTB-nin Mətbuat Mərkəzinə daxil olan məlumata görə, İran rejimi Güney Azərbaycan əyalətinin Marağa şəhərindən olan azərbaycanlı milli-mədəni fəal Muxtar İbrahiminin iş fəaliyyətinə mane olmaqla ona təzyiq göstərir.

Muxtar İbrahimi bununla bağlı sosial şəbəkələrdəməlumat paylaşaraq, bildirib ki, İctimai və Ticarət Yerlərinə Nəzarət İdarəsi İranın təhlükəsizlik xidmətinin göstərişini yerinə yetirərək, ona sahibkarlıq icazəsi vermir.

Azərbaycanlı fəal bildirib ki, o iki aydır bütün idari və qanuni prosedurları keçdiyinə, istənilən rüsumları ödəməsinə baxmayaraq, ona iş və sahibkarlıq icazəsi verilmir, beləliklə ailəsi gəlir qaynağından məhrum saxlanılıb.

Muxtar İbrahimi iş icazəsinin verilməsi üçün onun qarşısında şərt qoyularaq siyasi, ictimai və mədəni fəaliyyətlərinin dayandırılmasının istənildiyini deyib.

Qeyd edək ki, tanınmış azərbaycanlı fəal Muxtar İbrahimi politologiya üzrə mütəxəssis və nüvə fizikası öyrəncisidir. Fəal bundan öncə dəfələrlə mədəni fəaliyyətlərinə görə İran rejimi tərəfindən yaxalanaraq, təzyiqlərə məruz qalıb.

İbrahimi bir müddət öncə Marağa şəhərində rejimin İnqilab Məhkəməsi tərəfindən  “Hökumətə qarşı qrup yaratmaq və sosial mediada müxalif qruplara üzv olmaq” ittihamı ilə mühakimə olunaraq 10 il həbsə məhkum edilmişdi.

Həmçinin yoxlayın

Zəncanda ustad aşıq “Müslüm Əsgəri”nin vəfatının birinci ildönümü münasibətilə “El Aşığı” mərasimi keçiriləcək

GADTB: Zəncanın “İşraq” Ədəbi Birliyi ustad aşıq Müslüm Əsgərinin vəfatının birinci ildönümü münasibətilə “El Aşığı” …

Təbrizdə qanlı hadisə: hakim, həyat yoldaşı və azyaşlı övladı öldürülüb

GADTB: Çərşənbə günü axşam saatlarında silahlı şəxs Təbrizin Heydərabad məhəlləsində Xana (Piranşəhr) məhkəmə sisteminin hakimi …