GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejimi Güney Azərbaycanın Xoy şəhərindən olan azərbaycanlı fəal Yusif Pircanini həbs edərək, Xoydakı zindana salıb.
Azərbaycanlı milli fəalların verdiyi məlumata görə, Yusif Pircani dekabrın 22-də İran rejiminin Xoy şəhərindəki İnqilab Məhkəməsinin qərarların icrası bölməsinə müraciə etdikdən sonra yaxalanıb və Xoy şəhərindəki rejimin zindanına köçürülüb.
Qeyd edək ki, Yusif Pircani iyul ayının 24-də Xoy şəhərində rejimin ETTELAAT məmurları tərəfindən yaxalanaraq təcridxana aparılıb və 15 gündən sonra ağır girov qarşılığında zaminə buraxılmışdı.
Pircani “Hökumətə qarşı təbliğat” ittihamı ilə 3 ay həbs cəzasına məhkum edilib. Azərbaycanlı fəal iyulun 24-də Təbriz başda olmaqla bir sıra Güney Azərbaycan şəhərində əl-Əhvaz etirazların dəstək mitinqinin keçirilməsi ilə bağlı yaxalanmışdı.
