İran rejiminin ayrı-seçkilik siyasəti nəticəsində Miyanada işsizlik 21 faizə çatıb

GADTB-nin mətbuat mərkəzinin Miyana saytına istinadən verdiyi məlumata görə Miyana şəhərinin İran adlanan dövlətin məclisindəki millət vəkili Fərdin Fərmənd bildirib ki, Miyanada keçmiş illərdə işsizlik 13 faiz idi lakin son məlumatlara görə, indi 21 faizə çatıb.

Miyananın millət vəkili bildirib ki, dövlətin iş yerləri açma siyasəti  zəifdir. Miyananın güclü potensialının olmasını nəzərə alaraq, əgər kənd təsərrüfatına diqqət yetirilsə işsizlik səviyyəsi azalar.

Məclisin Energetika Komissiyasının üzvü olan Fərmənd həmçinin bildirib ki, hazırda Miyananın sənaye şəhərcikləri tənəzzül vəziyyətindədir. Əgər oradakı zavod və fabriklər fəallaşdırılsa 2 min iş yeri açılar.

Qeyd edək ki, irqçi İran rejiminin ayrı-seçkilik siyasəti nəticəsində Güney Azərbaycanın müxtəlif şəhərlərin güclü potensialının olmasına baxmayaraq ağır iqtisadi şərait və işsizlik hökm sürür.

Həmçinin yoxlayın

Sayın Mikayil bəy Oyta 31 Mart- azərbaycanlıların soyqırımı günü ilə bağlı Avstraliya xarici işlər naziri Penny Vonga müraciət edib-Şəkil

GADTB-nin Mətbuat Mərkəzinə daxil olan məlumata görə, Avstraliya Azərbaycan Assosiasiyasının prezidenti, Güney Azərbaycan Demokratik Türk …

Əmir Ərşədin tarixi binası acınacaqlı vəziyyətdədir- Video

Güney Azərbaycanın Qaradağ bölgəsinin Ovxara kəndində yerləşən tarixi Daş imarət (Əmir Ərşəd) sarayı baxımsızlıq üzündən …