GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İranın ayrıseçkilik siyasətinin nəticəsində Güney Azərbaycanda işsizlik fəlakət həddinə çatıb.
Ərdəbildən İran məclisinə göndərilən Seyid Kazım Musəvi də artıq İranın bu sahədə ayrıseçkilik siyasətinə etiraf etmək məcburiyyətində qalraq deyib ki, bu əyalətdə hökumət tərəfindən sərmayə qoyuluşunun olmamasına və əyalətin ciddi iqtisadi geriləməsinə görə burada 70 min insanın işsiz qalıb
Ərdəbil Azad İqtisadi Bölgəsinin yaradılmasının gecikdirilməsini tənqid edən Seyid Kazım Musəvi habelə bildirib: “Əyalətin bütün dörd nöqtəsinin azad iqtisadi zonaya çevrilməsi bölgə əhalisinin işsizlik probleminə yardım edəcək”.
“Hökumət bölgənin iqtisadiyyatını inkişaf etdirmək üçün Ərdəbil Azad İqtisadi Zonasının yaradılmasına qərar verməlidir”, – deyə o əlavə edib.
Ərdəbil əyalətinin şəhərətrafı və yoxsul bölgələrində 200 minə yaxın insanın yaşadığını vurğulayan Musəvi qeyd edib: “Ərdəbil əyalətində 70 min işsiz insan var və məşğulluq sahəsinə sərmayə yatıraraq gəlir gətirən strategiyalaın yaradılması əhalinin əsas tələblərindəndir”.
O, sonda 175 kilometrlik Ərdəbil-Miyana dəmir yolunun təməlinin atılmasından artıq 18 il keçməsinə baxmayaraq, layihənin tamamlanmadığını və Güney Azərbaycan əhalisinin hökumətin bu davranışından narazı olduğunu söyləyib.
