GADTB-nin Mətbuat Mərkəzinə daxil olan məlumata görə, İranın Azərbaycana qarşı müstəmləkə siyasəti nəticəsində Güney Azərbaycan kəndlərində ciddi su qıtlığı yaranıb. Artıq Ərdəbil vilayətində əhali ciddi su problemi ilə qarşılaşıb.
Vəziyyət o həddə çatıb ki, Ərdəbil vilayətinin Almas kəndinin sakinləri nə içməyə, nə də başqa təlabatları üçün su tapa bilmirlər.
Sakinlər bildiriblər ki, qışın bu soyuq çağında su tapa bilmədikləri üçün mədən suyu alırlar, çimmək üçün isə Ərdəbil şəhərinə gedərək orada fəaliyyət göstərən hamamlara üz tutmağa məcbur qalırlar.
Əhali, habelə bildirib ki, maddi imkanları çatmadığı üçün davamlı olaraq mədən suyu ala bilmirlər.
Onlar sonda dövlət məmurlarının onlarla maraqlanmadığını və çətinliklərinin həlli üçün heç bir addım atmadıqlarını deyirlər.