GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran Azərbaycan və Türkiyəyə qarşı Ermənistanla hər sahədə əməkdaşlığını genişləndirir.
Ermənistanın Regional İdarəetmə və İnfrastruktur naziri Qnel Sanosyan İranın Yol və Şəhərsalma nazirinin müavini Xeyrullah Xadimi ilə birlikdə Tehran-Şimal magistralına baş çəkərkən İran şirkətlərinin texniki-mühəndislik xidmətləri sahəsindəki imkanlarından istifadənin əhəmiyyətini vurğulayıb.
“İribnews.ir” xəbər verir ki, erməni nazir əlavə edib: “Ermənistan hökuməti İran şirkətləri və mütəxəssislərinin əməkdaşlığı ilə Şimal-Cənub dəhlizinin qurulmasında maraqlıdır və bu addımın əhəmiyyətini dərk edir”.
“İran və Ermənistan arasında əlaqə beynəlxalq daşımaların və tranzitin genişlənməsi üçün vacibdir və biz keyfiyyətli yollara sahib olmağa çalışırıq ki, insanlar həmin yollarda rahat və tam təhlükəsiz şəkildə səyahət edə bilsinlər”,-deyə Sanosyan iddia edib.
