GADTB-nin Mətbuat Mərkəzinin əldə etdiyi məlumata görə, irqçi və işğalçı fars rejim Təbriz zindanında həbsdə saxlanılan azərbaycanlı siyasi məhbus Əmir Səttarinin məzuniyyət haqqını ləğv etdi. Zindanın məsulları tərəfindən də təsdiq edilən məzuniyyət haqqı rejimin sırf təhlükəsizlik orqanlarında müavin işləyən Fazilnianın göstərişi ilə ləğv edilib.
Rejimin məmurları hətta azərbaycanlı siyasi məhbusun qanuni haqqını tələb etmək məqsədilə məhkəməyə müraciət edən fəalın atasını da təhqir ediblər.
Qeyd edək ki, azərbaycanlı milli-mədəni fəal Əmir Səttari rejim tərəfindən şərlənərək milli təhlükəsizliyə qarşı çıxmaqda ittiham edilərək 7 ay həbsə məhkum edilib. O hazırda həbs müddətini keçirməkdədir.