GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, gecə saatlarında İsrail ordusu Suriyada yerləşən İran hərbi bazalarına raket zərbələri endirib.
Suriyanın rəsmi dövlət xəbər agentliyi olan “SANA” xəbəri təsdiq edib və hücum zamanı üç Suriya zabitinin də öldüyünü bildirib.
Bununla yanaşı, eyni vaxtda Suriyanın Tartus limanında İrana məxsus “Arzin” adlı neft daşıyan gəminin vurulduğu qeyd olunub.
İran İnqilab Keşikçilərinin (SEPAH) nəzarətində olan media orqanları da xəbəri təsdiqləyib və bunu “Hz. Zeynəb” ziyarətgahına raket hücumu kimi qələmə veriblər.
Qeyd edək ki, “Hz. Zeynəb” ziyarətgahı ilə İran hərbi bazasının arasında olan məsafə 1 kilometrdən çoxdur və raket hücumunun əsas məqsədinin terror təşkilatı Sepah yaraqlılarının toplaşdığı yer oldub.
