Məhəmməd Əbazəri və Milad Hacılunun zaminə buraxılması üçün vəsiqə təyin edilib

GADTB-nin Mətbuat Mərkəzinin əldə etdiyi məlumata görə, azərbaycanlı milli-mədəni fəallar Milad Hacılu və Məhəmməd Əbazərinin zaminə buraxılması üçün vəsiqə təyin edilib. Məhəmməd Əbazərinin zaminə buraxılması üçün 200 milyon tümənlik, Milad Hacılunun isə zaminə buraxılması üçün 300 milyon tümənlik vəsiqə təyin edilib. Məhəmməd Əbazərinin vəsiqə qarşılığında müvəqqəti sərbəst buraxıldığı söylənilir.

Qeyd edək ki, azərbaycanlı milli-mədəni fəallar Milad Hacılu və Məhəmməd Əbazəri Güney Azərbaycanın Xoy şəhərindəndirlər. Onlar yanvar ayının 9-da naməlum səbəblərə görə İran rejiminin təhlükəsizlik orqanları tərəfindən yaxalanmışdılar.

Fəalların yaxınlarının dediyinə görə, onların həbsinin Xoy şəhərində son etiraz aksiyası ilə bağlı olması ehtimal edilir.