GADTB Güney Azərbaycan Demokratik Türk Birliyi
GADTB: ABŞ-ın keçmiş vitse-prezidenti Mayk Pens İran İslam Respublikasına qarşı hərbi əməliyyatların genişləndirilməsinə çağırıb və bildirib ki, ABŞ və İsrailin “işi başa çatdırmasının vaxtı çatıb.”
Pens Fox News-a müsahibəsində Donald Trampın İrana qarşı birbaşa hərbi əməliyyat qərarını yüksək qiymətləndirərək deyib ki, ABŞ prezidenti silahlı qüvvələrə İranın qalan nüvə obyektlərini hədəfə almaq və Tehranın Hörmüz boğazında, eləcə də regionda güc tətbiq etmək imkanlarını aradan qaldırmaq barədə göstəriş verməlidir.
O əlavə edib: “Düşmənlə sülh bağlamırlar, məğlub edilmiş düşmənlə sülh bağlayırlar.”
Pens bildirib ki, İran rəhbərliyinin mövqeyi və danışıqları inkar etməsi nəzərə alınarsa, Donald Trampın nə vaxtsa “artıq bəsdir” qərarını verəcəyinə əmindir.
Keçmiş vitse-prezident ABŞ və İsrailin İrana qarşı birgə hərbi əməliyyatını “tarixi” adlandıraraq vurğulayıb ki, artıq iki ölkənin silahlı qüvvələrinin bu missiyanı tamamlamasının vaxtıdır.
