GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi Ərdəbildə azərbaycanlı fəal Arzu Xaliqini noyabrın 3-də həbs edib.
Xaliqi ailəsinə məsələnin ictimailəşdirilməməsi üçün təzyiq göstərildiyinə görə, onun həbs xəbəri gec yayılıb.
Noyabrın 3-də Ərdəbil şəhərində molla rejiminin məmurları tərəfindən yaxalanan beynəlxalq hüquq üzrə mütəxəssis Arzu Xaliqinin talei barədə məlumat əldə etmək mümkün olmur.
Fəalın ailəsinin aidiyyəti orqanlara müraciətləri cavabsız qalması ailənin ciddi narahatlığına səbəb olub.
Hələlik Arzu Xaliqinin həbs səbəbi, nədə ittiham olunduğu və harada saxlanıldığı barədə məlumat verilməyib.
