Molla rejimi müxtəlif ölkələrdə yetişdirdiyi terrorçularla iclas keçirdi

GADTB-nin Mətbuat Mərkəzinə daxil olan məlumata görə, Sepah helikopter qəzasında həlak olan İran rezidenti İbrahim Rəisinin dəfn mərasiminə gələn müxtəlif ölkələrdə yetişdirdiyi terrorçu qruplaşmaların başçıları ilə iclas keçirib. Bu barədə “Fars” xəbər agentliyi məlumat yayıb.

İclasda Sepah-ın baş komandiri Hüseyn Salami, SEPAH-ın Qüds qüvvələrinin komandiri İsmayıl Qaani, HƏMAS, İslami Cihad, Fələstinin Xalq Qurtuluş Cəbhəsi, Hizbullah, husilər və İraqda İrana bağlı terrorçu qruplaşmaların nümayəndələri iştirak edib.

İclasda regionda son hadisələr barədə müzakirələr aparıldığı deyilsə də, görüşün təfərrüatı barədə açıqlama verilməyib.