GADTB Güney Azərbaycan Demokratik Türk Birliyi
GADTB: İsrailin Baş naziri Benyamin Netanyahu “The New York Times” qəzetində İranla müharibəyə dair ilkin qiymətləndirmələri ilə bağlı dərc olunan xəbərə münasibət bildirərək həmin sitatların həqiqəti əks etdirmədiyini deyib.
Netanyahu bildirib ki, o, əvvəldən İranın nüvə silahı əldə etməsinin qarşısının alınmasının vacibliyinə inanıb. Onun sözlərinə görə, İranın nüvə proqramı aradan qaldırılmadığı təqdirdə ölümcül nəticələr doğura biləcək bir xəstəliyə bənzəyir.
Hökumət dəyişikliyi məsələsinə toxunan İsrailin Baş naziri qeyd edib ki, İsrail elə şərait yarada bilər ki, İran İslam Respublikası xeyli zəifləsin. Lakin o vurğulayıb ki, ölkənin gələcəyini müəyyən etmək son nəticədə İran xalqının öz əlindədir.
Netanyahu əlavə edib ki, İran hazırda əvvəlkindən daha zəif, İsrail isə əvvəlkindən daha güclüdür.
Baş nazir bildirib ki, İran hakimiyyətinin artıq süqut etdiyini söyləyə bilməz. Bununla belə, onun fikrincə, xalqla hakimiyyət arasında yaranmış dərin uçurum və genişmiqyaslı itkilərdən sonra bu rejim sonda süqut edəcək.
