GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İsrail Suriyada İran adlanan ölkə əleyhinə fəaliyyətini davam etdirəcəyini bildirib.
bu açıqlamanı İsrailıin baş naziri Benyamin Netanyahu verib. Aşdod limanında ABŞ-a məxsus esminesin göyərtəsində çıxış edən B.Netanyahu Suriya və İrana ciddi xəbərdarlıq edib.
“Biz İranın Suriyadakı hərbi birləşmələrindən və tərəfdarlarından özümüzü qorumaq üçün qətiyyətlə hərəkət etməkdə davam edəcəyik. Prezident Donald Tramp bizim siyasətimizi tamamilə dəstəkləyir. Məhz bu esminesin bu gün Aşdododa olması Amerikanın dəstəyinin ifadəsidir. Bu son 19 ildə ABŞ esminesinin Aşdod limanına ilk səfəridir və İsrail-Amerika alyansının möhkəmliyinin rəmzidir”,-Netanyahu belə deyib.
Qeyd edək ki, “Ross” esminesi “Aegis” raketdən müdafiə sistemi ilə təchiz olunub. Gəminin əsas zərbə silahı qanadlı “Tomahawk” raketləridir. 2017-ci ilin aprel ayında ABŞ Hərbi Dəniz Qüvvələrinə məxsus “Porter” esminesi ilə birlikdə “Ross” gəmisindən Suriyanın Homs əyalətindəki hərbi hava bazasına 60 “Tomahawk” raketi atılıb.
