GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ABŞ-ın “Nyu York Tayms” qəzeti yunan hərbçilərinin sərhəddə miqrantlara qarşı qeyri-insani rəftarını sərt şəkildə qınayıb.
Qəzet yunan əsgərlərinin miqrantları tutaraq gizli mərkəzlərə apardığını yazıb.
“Yunanıstanın şimal-şərqində gizli mərkəz var. Hərbçilər burada miqrantları soyundurur, döyür və qeyri-qanuni şəkildə Türkiyə tərəfinə göndərir. Bundan başqa, Egey dənizində içində qadın və uşaqların olduğu qayıqlara təhlükəli şəkildə müdaxilə edirlər”, – məqalədə qeyd edilib.
Məqalədə sərhəddə 22 yaşlı miqrantın hadisə yerindəki videogörüntüləri və yunan əsgərləri tərəfindən öldürüldüyü də vurğulanıb.
