Qazaxıstan Türk Dünyasının mədəni və mənəvi mərkəzi – Türküstan şəhərində Türk Dünyası Muzeyi tikir

GADTB-nin Mətbuat Mərkəzinə daxil olan məlumata görə, Qazaxıstan prezidenti Nursultan Nazarbayev Türk Dünyasının mədəni və mənəvi mərkəzi – Türküstan şəhərinin ikişafı üçün müxtəlif tədbirlər həyata keçirir. O bu istiqamətdə ölkədə fəaliyyət göstərən böyük şirkətlərin sahiblərinə göstəriş verib.

Nazarbayev, iş adamlarının hər birinə yeni təsis etdiyi Türküstan vilayətində böyük bir obyekt tikməyi tövsiyə edib.

Ölkə başçısı qeyd edib ki, iş adamlarının və sahibkarların  sərbəst və şəffaf fəaliyyət göstərməsi üçün Qazaxıstan dövləti onlara hər cür münbit şərait yaradıb və dəstək verir. Ölkənin inkişafı üçün də iş adamlarının borcu onu tikib, abadlaşdırmaqdır.

Dövlət başçısının bu təklifindən sonra, “Bazis-A” inşaat-tikinti şirkətinin  rəhbəri Aleksandr Beloviç teatr binasını tikməyi öhdəsinə götürüb.

ENRC şirkətlər qrupunun rəhbəri, məşhur milyarder Patox Şodiyev Türküstanda türk xalqlarının muzeyini tikməyi vəd edib. “KazMunayQaz” şirkətinin idarə heyətinin sədri Sauat Mınbayev isə beynəlxalq normalara uyğun stadion tikəcəyini deyib.

“BI Group” holdinqinin rəhbəri Qazax xanlarının və bəylərinin, bahadurlarının Mərkəzini,  “Hayvill Qazaxıstan” isə yaşayış massivi  tikməyi planlaşdırır.

“Qazaxıstan Dəmir Yolu” şirkəti Gənclər evi, “KEGOC” SC isə Hoca Əhməd Yəssəvi Muzeyi inşa edəcək , “Kazpoçta” SC ən yüksək texnologiyalarla təmin olunmuş poçt sistemini, “Kazaxtelekom” SC isə  Smart texnologiyalı  sitemi quracağına söz verib. Digər iş adamları avtosalon,  su idman sarayı tikəcək. Türküstan şəhərinin inkişafına və qurulmasına Türkiyə  şirkətləri və iş adamları da çox həvəslə qoşulublar.

İclası idarə edən dövlət başçısı Nursultan Nazarbayev hər bir şirkət sahibinin adını və görəcəyi işi qələmlə öz dəftərçəsinə qeyd edib.

Həmçinin yoxlayın

Traxturun xanım tərəfdarları stadiona gələ biləcək

GADTB: Şərqi Azərbaycan əyalətində Traxtur futbol komandasının qadın tərəfdarlarının  stadiona girişinə icazə verilib Bu haqda …

Azərbaycanlı fəal Əhəd Seyfxah zaminə buraxıldı

GADTB: Azərbaycanlı milli fəal Ayaz Seyfxahın qardaşı Əhəd Seyfxah dünən Təbrizin mərkəzi zinanından istintaq prosesinin …

Bir cavab yazın