Çərşənbə , Aprel 21 2021
azfa

Rejim azərbaycanlı fəal Salar Tahir Əfşarı məhkəməyə çağırdı

GADTB-nin Mətbuat Mərkəzinə daxil olan məlumata görə, irqçi fars rejim azərbaycanlı milli-mədəni fəal Salar Tahir Əfşarı məhkəməyə çağırdı. Fəal yanvarın 15-də rejimin Qərbi Azərbaycandakı Cinayət Məhkəməsinin 101-ci şöbəsinə çağırıldığı bildirilir.

Rejimin göndərdiyi çağırış vərəqəsində azərbaycanlı fəal “qanunsuz etiraza qatılmaq, virtual məkanda müəyyən filmlər yaymaq, yanacaqdoldurma məntəqəsini dağıtmaq, etirazlara çağırış etmək və şüar səsləndirmək yolu ilə ictimai asayişi pozmaq”da ittiham olunduğu qeyd edilib.

Qeyd edək ki, irqçi fars rejimin təhlükəsizlik qüvvələri fəalı yaxalamaq üçün onun ata evi və digər yaxınlarının evinə hücum etdikdən sonra, azərbaycanlı fəal 2019-cu il noyabrın 18-də Urmiyanın “9 Pillə” məhəlləsində yerləşən ETTELAAT şöbəsinə müraciət edib. Fəal 2 gün saxlandıqdan sonra məhkəməyə göndərilib.

Təyin olunmuş 100 milyon tümənlik mülki vəsiqəni təmin etdikdən sonra zaminə buraxılan fəal məhkəmə binasından çıxarkən terrorçu Sepahın kəşfiyyat məmurları tərəfindən yaxalanıb. O bundan sonra 5 gün Sepahın təcridxanası, 3 gün isə Urmiyada təcridxanada yaxalanıb. Fəal daha sonra isə zaminə buraxılmışdır.

Azərbaycanlı fəal noyabr etirazları dövründə yaxalanmışdır.

Həmçinin yoxlayın

Qondarma erməni iddiaları sadəcə  siyasi məqsədlərə əsaslanan bir böhtandır

GADTB-nin Mətbuat Mərkəzinə daxil olan məlumata görə, Türkiyə Prezident Administrasiyasının Kommunikasiya İdarəsinin sədri Fəxrəddin Altun …

Türkiyə Zəngəzur dəhlizinin inşasının başlandığını elan etdi

GADTB-nin Mətbuat Mərkəzinə daxil olan məlumata görə, Türkiyə Türk dünyasını birləşdirəcək Zəngəzur dəhlizinin inşasının başlandığını …

Bir cavab yazın