GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbrizin Bələdiyyəsi 70 nəfər işçisini səssiz-səmirsiz işdən azad edir. Bələdiyyənin bu ixtisarının işəgötürmə mafiyasının Bələdiyyəyə etdiyi gizli təzyiqlərlə əlaqədar olduğu söylənilir.
Məlumata görə, son aylarda müqavilə ilə müvəqqəti olaraq işə götürülən işçilər heç bir səbəb göstərimədən işdən çıxarılıb. İxtisar edilən işçilərin sayının 70 nəfər olduğu bildirilir. Həmin işçilər Bələdiyyəyə bağlı Həmşəhri Şirkəti ilə müqavilə imzaladıqdan sonra müxtəlif sahələrdə işləyirdilər.
Həmçinin Bələdiyyə rəisi Şəhin Baherin göstərişi ilə ixtisar edilən işçilərin son bir ayın maaşı ödənilmədən işdən çıxarıldığı bildirlir.
