GADTB Güney Azərbaycan Demokratik Türk Birliyi
GADTB: Ölkənin Region Liqasının yeniyetmələr üzrə yarışları çərçivəsində Masal şəhərindəki Möhibbi stadionunda keçirilən Təbriz və Pərəsər komandalarının oyunundan sonra hər iki komandanın azarkeşləri arasında dava baş verib.
Yayılan məlumatlara görə, qarşılaşma Təbriz komandasının qələbəsi ilə başa çatıb. Oyunun bitməsindən sonra tribunada hər iki komandanın bəzi tərəfdarları arasında yaranan gərginlik fiziki qarşıdurmaya çevrilib.
Məlumatlarda bildirilir ki, yarışın təşkilatçıları, stadionun məsul şəxsləri, ağsaqqallar və stadionda iştirak edən ailələrin müdaxiləsi nəticəsində dava dayandırılıb və tərəflər bir-birindən ayrılıb.
