Təbrizdə azərbaycanlı gənc Ehsan Xudadadi barəsində edam hökmü çıxarılıb

GADTB: Təbriz İnqilab Məhkəməsi Ehsan Xudadadi barəsində “yer üzündə fəsad törətmək” ittihamı ilə edam hökmü çıxarıb.

Məlumata görə, hökm 25 xordad tarixində Təbriz İnqilab Məhkəməsinin birinci şöbəsi tərəfindən verilib.

Ehsan Xudadadi Yüzbaşıkəndi kəndinin sakinidir. O, 1404-cü il 17 xordad tarixində təhlükəsizlik qüvvələri tərəfindən saxlanılıb.

Yayılan məlumatlarda bildirilir ki, Ehsan Xudadadi aylarla davam edən istintaq prosesindən sonra Təbriz Mərkəzi Həbsxanasına köçürülüb. Həmçinin onun istintaq dövründə dindirildiyi, işgəncələrə məruz qaldığı və məcburi etirafların alındığı deyilir.

Hazırda hökmün yekun hüquqi vəziyyəti və növbəti məhkəmə mərhələləri ilə bağlı əlavə məlumat açıqlanmayıb.