Cümə axşamı , Noyabr 19 2026
azfa

Təbrizdə tarixi məzarlıqların dağıdılmasına etiraz

GADTB-nin Mətbuat Mərkəzinə daxil olan məlumata görə, Güney Azərbaycanın Təbriz Şəhərində qazıntılar zamanı Təbrizin tarixi ərazisi və tarixi məzarlığın aşkarlanaraq dağıdılmasına Təbrizin Şəhər Şurası üzvü Qulamhüseyn Məsudi Reyhan etiraz edib.

O Təbriz şəhərinin Gülüstan Bağı tarixi ərazisində aparılan metro qazıntıları zamanı tarixi məzarların ortaya çıxması və dağıdılması ilə bağlı Turizm və Mədəni İrs Təşkilatının açıqlama verməsini istəyib.

Məsudi Reyhan bildirib ki, Təbrizin tarixi qəbiristanlıqları ilk dəfə Pəhləvilərin hakimiyyətə gəlməsindən sonra dağıdılaraq, şəhərin min illik tarixi üzərinə qaranlıq pərdə çəkildi: “Başqa şəhərlərdə tarixi qəbiristanlıqlar turistik məkanlara çevrildi. Lakin Təbrizdə dağıdıldı”.

Şərqi Azərbaycan əyalətinin Turizm və Mədəni İrs Təşkilatının arxeologiya şöbəsinin rəhbəri Hüseyn İsmayili isə sümüklərin aşkar edildiyi məntəqəyə ekspertlərin göndərildiyini iddia edərək deyib: “Metro stansiyasının tikilməsi ilə bağlı qazıntı aparılan ərazi tarixi Gəcil məzarlığının bir hissəsidir. Bu məzarlıqdan İslamiın ilk əsrlərindən Qacarlar dövrünədək istifadə edilmişdi. Qazıntılarda aşkarlanan sümüklərin həmin tarixi məzarlıqların olduğunu ehtimal edilir”.

Qeyd edək ki, Gülüstan Bağı ərazisində metro stansiyanın tikintisi ilə bağlı aparılan qazıntı zamanı Təbrizin tarixi “Məqbərətülürəfa (ariflər məqbərəsi)” və ya Gəcil qəbiristanlığında dəfnlərin sümükləri aşkar edilib.

Həmçinin yoxlayın

Mustafa Cəmilov: Krım Muxtar Respublikasının yaradılması üçün Ukraynanın razılığı ilə hazırlıq işləri başa çatıb

GADTB: Krım tatar türklərinin milli lideri Mustafa Cəmilov “Krım Muxtar Respublikasının” yaradılması üçün hazırlıq işlərinin …

İki təyyarədaşıyan gəmi və 12-dən çox hərbi gəmi ilə İrana qarşı təzyiq və dəniz blokadası davam edir

GADTB: Corc Vaşinqton təyyarədaşıyan gəmisinin Yaxın Şərqdən çıxmasına baxmayaraq, ABŞ iki təyyarədaşıyan gəmi və 12-dən …

Bir cavab yazın