Cümə axşamı , Noyabr 19 2026
azfa

Təbrizin tarixi “Dar əl-Funun”u muzeyə çevrilmək yerinə anbara çevrilib

GADTB-nin Mətbuat Mərkəzinə daxil olan məlumata görə, Təbrizin tarixi elm mərkəzi olan “Dar əl-Funun” muzeyə çevrilmək yerinə anbara çevrilib.

Tehrandan sonra ikinci təhsil və elm mərkəzi olan Təbrizin tarixi “Dar əl-Funun” məktəbi hazırda ayaqqabı anbarı kimi istifadə edilir.

Təbrizin mərkəzində yerləşən və Qacar şahı Müzəffərəddin şahın vəliəhdliyi dövründə təsis edilən tarixi məktəbin hazırkı durumu yerli mədəniyyətsevərlərin narahatlığına səbəb olub.

Onlar bununla bağlı Mədəni İrs Nazirliyinə müraciət edib və tarixi binanın vəziyyəti barədə etirazlarını bildiriblər.

Təbrizin Mədəni İrs, Turizm və Əl İşləri İdarəsinin başçısı Seyyid Ramin Əsbəqi faktı təsdiqləyib və Dar əl-Fununun bir hissəsinin ayaqqabı sexinə kirayə verildiyini deyib.

Təbrizin Dar əl-Funun tarixi məktəbi 1877-ci ildə təsis edilib və 25 fevral 2006-cı ildə 17500 nömtə ilə İranın milli əsərlərinin siyahısı qeydə alınıb.

Qeyd edək ki, Şərqi Azərbaycanda bu günə kimi tanınan və qeydə alınan tarixi abidələrin sayı 1800-dən çoxdur. Əyalət bu sahədə İranda ən çox tarixi abidəyə malik olan 5 əyalət arasında yer alır.

Mədəni İrs, Turizm və Əl İşləri Nazirliyinin yerli bölmələri tarixi abidələrin bərpası və qorunması üçün mərkəzdən yetərli büdcə ayrılmadığını deyirlər.

Həmçinin yoxlayın

May Sato: Müharibə dey ayı etirazları zamanı baş verənlərin unudulmasına səbəb olmamalıdır

GADTB: BMT-nin İranda insan hüquqları üzrə xüsusi məruzəçisi May Sato Fransa parlamentində çıxışı zamanı bildirib: …

Netanyahu: İslam Respublikasının nüvə təhdidi İsrail sərhədlərində dayanmayacaq

Israel’s Prime Minister Benjamin Netanyahu attends the weekly cabinet meeting in Jerusalem on November 19, …