GADTB Güney Azərbaycan Demokratik Türk Birliyi
GADTB: Azərbaycanlı fəal və idmançı Kərim İsmayılzadənin qızı Tamay İsmayılzadə qısa bir videoda Azərbaycan xalqına müraciət edərək bildirib: “Atamın səsi olun, qoymayın səsimizi boğsunlar…”
Tamayın sözlərinə görə, onun atasının yeganə “günahı” həqiqəti sevməsi və xalqının ağrılarından danışmasıdır.
Məlumata əsasən, Kərim İsmayılzadə, Azərbaycanın tanınmış idmançılarından biri, 2025-ci il oktyabrın 18-də Təbrizdəki ümumi və inqilab prokurorluğunun 10-cu müstəntiq şöbəsində ifadə verdikdən sonra təhlükəsizlik qüvvələri tərəfindən həbs edilərək Təbrizdə Kəşfiyyat İdarəsinin saxlanma məntəqəsinə aparılıb.
Bu hadisədən üç gün əvvəl, mehr ayının 23-də, o, “Səna” elektron sistemi vasitəsilə beş gün ərzində irəli sürülən ittihamlarla bağlı özünü müdafiə etməsi üçün çağırış almışdı.
Həmin sənəddə ona qarşı “ictimai fikri çaşdırmaq məqsədilə yalan məlumat yaymaq” və “rejimə qarşı təbliğat aparmaq” kimi ittihamlar irəli sürülüb.
