Türk ölkəsi Qazaxıstan nüvə silahı hazırlayacağını bildirdi

GADTB-nin Mətbuat Mərkəzinə daxil olan məlumata görə, Qazaxıstanın sabiq prezidenti Nursultan Nazarbayev deyib ki, “Dünyadakı nüvə müharibəsinə daxil olmayacağıq”.

12-ci Astana İqtisadi Forumunun açılışında Türkiyənin “Milliyyət” qəzetinə müsahibə verən lider bildirib ki, Qazaxıstan dünya miqyasında sülhün tərəfdarıdır. “Ancaq bu, nüvə silahları ilə bağlı işlərimizin davam etmədiyi anlamına gəlməsin. Nüvə arsenalımızı qururuq, sınaq mərhələsindəyik”, – Nazarbayev deyib.

Qeyd edək ki, 12-ci Astana İqtisadi Forumu ötən gün start götürüb. Forumda 100 ölkədən 5 minə yaxın nümayəndə iştirak edib. Astana EXPO Konqres Mərkəzində keçirilən forumun builki əsas mövzusu “İlhamverici inkişaf: İnsanlar, Şəhərlər, İqtisadiyyatlar”dır.

Bölgənin Davosu kimi tanınan iqtisadi forum ilk dəfə 2008-ci ildə Qazaxıstanın qurucu prezidenti Nursultan Nazarbayev tərəfindən təşkil olunub. Forum Qazaxıstan başda olmaqla, Avrasiya və dünya miqyasında maliyyə və iqtisadi problemlərdən başqa gələcəkdə yaşana biləcək sosial-iqtisadi və ətraf mühitlə bağlı problemlərin və innovasiya imkanlarının müzakirə platformasıdır.

Bu il forum tarixində ilk dəfə gənclər və tələbələr tədbirə pulsuz qatılıb.