Türkiyə ilk yerli və milli peyki – Türksat 6A-nı kosmosa göndərəcək

GADTB-nin Mətbuat Mərkəzinə daxil olan məlumata görə, Türkiyənin nəqliyyat və infrastruktur naziri Adil Karaismailoğlu ilk yerli və milli peyk Türksat 6A-nın 2022-ci ildə kosmosa göndəriləcəyini bildirdi.

A.Karaismailoğlu TÜRKSAT-ın Ankaranın Gölbaşı rayonunda etdiyi çıxışında TÜRKSAT çalışmalarının uğurlu və fasiləsiz şəkildə davam etdirilərək peyk yayımında mühüm beynəlxalq yerə sahib olduğunu vurğulayıb.

Rabitə peyki TÜRKSAT 5A-nın 2020-ci ilin son, TÜRKSAT 5B-nin isə 2021-ci ilin ikinci rübündə kosmosa göndərilməsini planlaşdırdıqlarını söyləyən nazir ilk yerli və milli rabitə peyki TÜRKSAT 6A-nın 2022-ci ildə kosmosa göndəriləcəyinə diqqət çəkərək deyib: “TÜRKSAT 6A-nın kainata buraxılmasıyla Türkiyə dünyada kosmosa rabitə peyki göndərən 10 ölkədən biri olacaq”.