Türkiyə kürd terrorçularla mübarizə üçün Qəndildə hərbi baza tikir

GADTB-nin Mətbuat Mərkəzinə daxil olan məlumata görə, Qəndili terrorçulardan təmizləyən Türkiyə Silahlı Qüvvələri daxil olduğu ərazilərdə 15-20 baza yaradıb. Qurudan və havadan əməliyyatları davam etdirən TSQ ərazidə istehkam quruculuğu fəaliyyətlərini də kəskin şəkildə artırıb.

TSQ-nin son dövrlərdə əraziyə texnika ilə birlikdə çoxlu sayda tikinti materialları göndərməsi diqqət çəkib.

Texnika çətin təbii şəraitin olduğu Qəndil bölgəsində gediş-gəlişin daha rahat olması üçün yollar açıb, inşaat materiallarından isə əsgərlərin yaşaması üçün kiçik miqyaslı bazaların yaradılmasında istifadə olunub.