GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ukrayna müharibənin 177-ci günü üçün Rusiya ordusunun itkiləri haqda məlumatı yeniləyib. Bu barədə Ukrayna Baş Qərargahı məlumat yayıb.
Bildirilib ki, Rusiya indiyə qədər 44 700 hərbçi, 1 899 ədəd tank, 4195 ədəd zirehli döyüş maşını, 1016 ədəd artilleriya sistemi, 266 ədəd RYAS (reaktiv yaylım atəş sistemi), 141 hava hücumundan müdafiə sistemi, 234 ədəd hərbi təyyarə, 197 ədəd helikopter, 3130 ədəd avtomobil texnikası, 795 ədəd PUA, 190 qanadlı raket, 15 gəmi/qayıq, 94 xüsusi avadanlıq itirib.
Həmçinin Ukrayna hərbçiləri Xerson vilayətində rus işğalçılarının yenicə bərpa etdikləri Kaxovka körpüsünü yenidən vurub. Bu barədə Xerson Regional Hərbi Administrasiyası sədrinin müşaviri Serhiy Xlan öz feysbuk səhifəsində məlumat verib.
Onun sözlərinə görə, Ukrayna Silahlı Qüvvələrinin “Pivden” əməliyyat komandanlığı qarşı tərəfin Kaxovka körpüsünün təmiri və istifadəsi planlarını məhv etdiyini rəsmən təsdiqləyib.
