GADTB Güney Azərbaycan Demokratik Türk Birliyi
GADTB: Urmiya şəhərində yaşayan iki türk fəal — Abbas Əlilu və Bəhram Əlilu 18 oktyabrda İran rejiminin təhlükəsizlik qüvvələri tərəfindən iş yerlərində saxlanılıblar.
Bu iki azərbaycanlı fəalın həbsi, “Ronahi” və “Hur Spor” komandaları arasında keçirilən futbol oyunu zamanı kürd terrorçu və ekspansionist hərəkatlarının tərəfdarları tərəfindən səsləndirilən antitürk şüarlarına onların göstərdiyi etiraz və tənqidi münasibətdən sonra baş verib.
Yerli mənbələrin bildirdiyinə görə, son günlərdə Qərbi Azərbaycan şəhərlərində terrorçu qruplara bağlı şəxslərin açıq şəkildə fəaliyyətinə etiraz edən paylaşımlarına görə azı on azərbaycanlı fəal molla rejimin ETTELAAT orqanları tərəfindən saxlanılıb.
Azərbaycanlı fəallara yaxın mənbələrin məlumatına görə, təhlükəsizlik qüvvələri telefon zəngləri vasitəsilə bir sıra Azərbaycan milli hərəkatı fəallarını təhdid edərək, bu mövzu ilə bağlı paylaşımları davam etdirdikləri halda həbs olunacaqlarını bildiriblər.
Halbuki, Qərbi Azərbaycanda fəaliyyət göstərən terrorçu qruplara bağlı təşkilatlar bölgə şəhərlərində İslam İnqilabı Keşikçiləri Korpusu (SEPAH) və Kəşfiyyat Nazirliyinin dəstəyi ilə sərbəst şəkildə fəaliyyət göstərirlər; amma bu vəziyyəti tənqid edən türk fəallar isə təzyiq, çağırış və həbslərlə üzləşirlər.
