GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyə Su İnstitutunun siyasətin inkişaf etdirilməsi üzrə koordinatoru Tobi Evrim Mədənin yazdığı “İranda xroniki su problemi” adlı hesabata əsasən, İranın böyük su ehtiyatları problemi var və İran buna görə, dünya ölkələri arasında iyirmi dördüncü yerdə qərarlaşır.
Bu hesabatda su probleminin səbəbləri arasında İranda əhalinin sıxlığının artması, düzgün olmayan su siyasəti, iddialı kənd təsərrüfatı siyasətləri və qısamüddətli dayanıqsız layihələr göstərilib.
İranda bəndlərin qeyri-səlis tikintisi və su ehtiyatlarından düzgün istifadə edilməməsi ilə 14 çayın və 40 bənd su anbarının şoranlığı artıb, ölkə torpağının üçdə ikisinin səhralaşması başlayıb, yeraltı suların səviyyəsi aşağı düşüb.
Əhalinin sıx məskunlaşdığı ərazilərdə su ehtiyatlarının olmaması son illər içməli su problemlərinə səbəb olub.
