GADTB-nin Mətbuat Mərkəzinə daxil olan məlumata görə, Şərqi Azərbaycan Regional Su Şirkətinin sədri Yusif Qafarzadə Urmiya gölünün həcminin hazırda təqribən 2 milyard 980 milyon kubmetr olduğunu bildirib.
Qafarzadə deyib ki, göldə suyun həcmi keçən illə müqayisədə 2 milyard 100 milyon kubmetr azdır.
O həmçinin deyib ki, hazırda göldə su səviyyəsi 1270.73 santimetrdir, bu isə öncəki ilin oxşar dövrünə nisbətdə 64 santimetr azalıb.
Qafarzadə Urmiya gölünün ekoloji səviyyəsini 1274 metr 10 santimetr elan edib və bildirib ki, göldə su səviyyəsi 1995-ci ildə qeydə alınan ən yüksək səviyyə ilə müqayisədə 7,7 metrdən çox azalıb.
Qeyd edək ki, keçmiş İran prezidenti Həsən Ruhani hakimiyyəti gölün bərpasına söz versə də sözünü tutmadı. İndiki İran prezidenti Rəisi isə qurutduqları gölün bərpasına qətiyyən fikir vermir.