Urmiyada Güney Azərbaycan folklorik teatr festivalı keçiriləcək

GADTB-nin Mətbuat Mərkəzinə daxil olan məlumata görə, Güney Azərbaycanın Urmiya şəhərində Azərbaycanın qərb bölgəsinin şəhərlərinin Azərbaycan türkcəsində birinci folklorik teatr festivalı fevral ayında keçiriləcək.

Qərbi Azərbaycan vilayətinin İncəsənət Qurumunun rəisi Əhəd Huşmənd bu barədə mətbuata açıqlama verərək deyib:

“Birinci Azərbaycan folklorik teatr festivalı Azərbaycan türkcəsində fevralın 13-dən 16-dək Urmiya şəhərində keçiriləcək. Urmiya, Sulduz və Xoy şəhərlərindən 14 qrup festivala qatılmaq istəyib. Əsərlər qiymətləndirildikdən sonra 9 qrupun əsərləri festivalda yarışa çıxarılacaq”.

O həmçinin deyib: “Biz məsullar inanmalıyıq ki, toplumun inkişafı yalnız texnologiya ilə əldə olunmur. Bunun üçün ictimai inkişaf və mədəniyyət lazımdır, məhz bu nöqtədə incəsənətin rolunu hiss etmək mümkündür.

Tamaşa, səhnə sənətlərinin anasıdır və mədəniyyət yaratmaqda, onu inkişaf etdirməkdə xüsusi rol oynayır. Ona görə də festivalın keçirilməsindən əsas məqsəd əyalətin istedadlı sənətklarlarını tanıtdırmaqla yanaşı tamaşa vasitəsi ilə Azərbaycan əhalisinin dəyərlərini tanıtdırıb və canlandırmaqdır”.

Həmçinin yoxlayın

Traxturun xanım tərəfdarları stadiona gələ biləcək

GADTB: Şərqi Azərbaycan əyalətində Traxtur futbol komandasının qadın tərəfdarlarının  stadiona girişinə icazə verilib Bu haqda …

Azərbaycanlı fəal Əhəd Seyfxah zaminə buraxıldı

GADTB: Azərbaycanlı milli fəal Ayaz Seyfxahın qardaşı Əhəd Seyfxah dünən Təbrizin mərkəzi zinanından istintaq prosesinin …

Bir cavab yazın