GADTB Güney Azərbaycan Demokratik Türk Birliyi
GADTB-nin Mətbuat Mərkəzinin yaydığı məlumata görə, dekabr ayının 18-də Urmiyanın Sənaye Universitetində Şəms Mədən-İctimai Ocağının təşkilatçılığı ilə mərhum Azərbaycan şairi, Güney Azərbaycanda yeni şeirin atası sayılan Ülkər ləqəbli Həbib Sahirin xatirəsi anılıb. Bu məqsədlə “Ülkər” türkcə şeir gecəsi keçirilib.
Qeyd edək ki, Güney Azərbaycanın Ülkər təxəllüslü şairi Həbib Sahir həmçinin dramaturq, tərcüməçi və Azərbaycan türk ədəbiyyatının araşdırıcılarından olub. O türk şeirinə yeni şeir səpkini gətirməklə Güney Azərbaycanda yeni şeirin atası kimi tanınmışdır.
Şəms Ocağı isə 2015-ci ildə rəsmi icazə ilə türk dili, ədəbiyyatı, tarixi və mədəniyyəti sahəsində fəaliyyət göstərir. Bir neçə türkcə şeir gecəsi, “Varlqı” jurnalı sərgisi və s. türkcə mədəni tədbirlər keçirmişdir.
