GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Urmiyada bazar günü Urmiyada nümayiş olunan “Atabay” filminin biletləri bir neçə dəqiqə içində satılıb.
Qara bazarda belə bilet axtaranlar olub. Atabay filminin ekranlaşdırıldığı “İran” sinema salonunda boş yer tapmaq mümkün olmayıb.
Qeyd edək ki, 38-ci Beynəlxalq Fəcr Film Festivalının müsabiqə bölümünə getməyi bacaran “Atabay” filminin mətbuat konfransı maraqlı məqamlarla yadda qalıb. Filmin türk dilində çəkilməsinə etiraz edən bir irqçi fars jurnalist filmin ssenaristi və rejissoru ilə mübahisə edib və filmin türkcə çəkilməsinə etiraz etmişdir.
Rejissor Niki Kərimi isə bu suala olduqca kəsərli cavab verib: “Kim deyib biz təkcə fars dilində film çəkməliyik? Onsuz da filmlərin 90 faizi bu dildə çəkilir” Filmin Xoydan olan ssenaristi Hadi Hecazifər jurnalistin faşistcə düşüncələrini tənqid edərək, türk dilinə dəstəyini göstərib. Hicazifərin türk dilinə bu cür sayqı ilə yanaşması Azərbaycan milləti tərəfindən də böyük alqışa səbəb olub. Bu olay “Atabay” filminə marağın daha da artmasına səbəb olub.
