GADTB Güney Azərbaycan Demokratik Türk Birliyi
GADTB: daxil olan məlumatlara əsasən, Zəncan şəhərində vəziyyət hələ də yüksək səviyyədə gərgindir. Molla rejimin qüvvələri şəhərin əsas meydanlarında, o cümlədən İnqilab meydanı və Səbzə meydanı ətrafında geniş şəkildə yerləşdirilib.
Son günlər ərzində küçələrdə çoxsaylı vətəndaşların saxlanıldığı bildirilir. Həmin şəxslərin bir qismi bir neçə saatdan sonra azad edilsə də, həbslərin davam etdiyi qeyd olunur.
Zəncanda Sepah bəyan edib ki, etirazlarla bağlı “lider” adlandırdığı şəxsləri müəyyən edərək saxlayıb. Lakin bu iddialarla bağlı müstəqil təsdiqlənmiş əlavə məlumat hələlik mövcud deyil.
Yerli mənbələr dünən “Ark qapısı” ətrafında üç yeniyetmənin saxlanıldığını təsdiqləyiblər. Saxlanılanların şəxsiyyəti, yaşı və hazırkı vəziyyəti barədə rəsmi açıqlama verilməyib.
Hazırda ümumi saxlanılanların dəqiq sayı barədə məlumat yoxdur və şəhərdə təhlükəsizlik tədbirlərinin davam etdiyi bildirilir.
