Ərdəbildə posterlər yapışdırıldı; “Susmaq ölümü təsdiqləmək deməkdir”

GADTB-nin Mətbuat Mərkəzinə daxil lan məlumata görə, Güney Azərbaycnın Ərdəbil şəhərində Azərbaycan Milli Hərəkatının fəalları azərbaycanlı sənətçi Murtaza Pərvinin İranın ETTELAAT qüvvələri tərəfindən həbs edilməsi, eləcə də fəalın bu haqsızlığa etiraz olaraq aclıq aksiyası keçirməsində dəstək məqsədi ilə vərəqələr paylayıblar.

Azərbaycanlı fəalların ictimai yerlərdə yaydığı vərəqələrdə yazılıb:

“Sənətçinin yeri həbsxana deyil”; “Evin həbsxanasında seçki hay-küyünün kölgəsində siyasi məhbusa işgəncə verilir!”; “Evin zindanında aclıq aksiyasının səsi olaq!”; “Güney Azərbaycanın milli fəallarına azadlıq!”; “Susmaq ölümü təsdiqləmək deməkdir, biz susmayacayıq!”; “Evin zindanında Murtaza Pərvinə qarşı bütün repressiv addımlar və xidmətlər ləğv edilsin!”; “Həbsxana barmaqlıqları bizim həmrəyliyimizi ayıra bilməz!”.

Qeyd edək ki, azərbaycanlı milli fəal Murtaza Pərvin artıq 5 gündür aclıq aksiyası keçirir.