GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, F-35 qırıcılarının alınması ilə bağlı Ankara və Vaşinqton arasında saziş qüvvədə qalır. Bunu Türkiyənin Xarici İşlər naziri Mövlud Çavuşoğlu ABŞ-ın Dövlət katibi Mayk Pompeo ilə görüşündən sonra deyib.
O bildirib ki, ilk F-35 təyyarəsi Türkiyəyə iyun ayının 21-i veriləcək:
“Biz Vaşinqtona bildirdik ki, ABŞ Konqresinin istifadə etdiyi hədə-qorxu dilini qəbul etmirik. Bu, qeyri-konstruktivdir. İlk F-35 təyyarəsi əvvəl planlaşdırıldığı kimi bizə iyunun 21-i veriləcək. Bu mövzuda heç bir dəyişiklik yoxdur”.
Qeyd edək ki, bundan öncə “Lokid Martin” şirkəti “Türkiyə Cümhuriyyətinə F-35-lərin verilməsi” ilə tədbirini 21 iyun 2018-ci ildə “Fort Vorth”da keçirəcəyini açıqlamışdı.
