Gərçək zindanında qadın məhbuslar edam və zorakılığa etiraz edir

GADTB: Vəramindəki Gərçək zindanında qadın siyasi məhbuslar aksiya keçirərək son günlərdə İranda artan edam dalğasına və həbsxanalarda baş verən zorakılıqlara etirazlarını bildiriblər.

Etiraz aksiyası dünən səhər saatlarında edam edilən iki siyasi məhbus – Mehdi Həsəni və Bəhruz Ehsaninin xatirəsinə həsr olunub. Qadın məhbuslar həbsxananın dəhlizində “Ölüm hökmü ləğv olunana qədər ayaqda qalacağıq!”, “Diktatora ölüm!” və s. şüarlarla İran hakimiyyətinin repressiv siyasətinə qarşı narazılıqlarını dilə gətiriblər.

Məhbuslar “Çərşənbə axşamları edama yox” kampaniyasını da dəstəklədiklərini açıqlayaraq, beynəlxalq insan haqları təşkilatlarını bu zorakılıq qarşısında səssiz qalmamağa çağırıblar.