Molla rejimin nazirinin çantasına baxışa görə direktor işdən qovuldu

GADTB: İranın yol və şəhərsalma naziri Fərzanə Sadiq Azərbaycana səfərindən sonra Ərdəbildə hava limanı vasitəsilə Tehrana qayıdarkən hava limanı işçisi tərəfindən çantasına baxış keçirilməyə cəhd olub.

Hava limanında xidmət edən bir təhlükəsizlik əməkdaşı nazirin çantasını yoxlamaq istəyib. Fərzanə Sadiq isə buna sərt reaksiya verib və çantasına baxılmasına icazə verməyərək Tehrana yola düşüb.

İnsidentdən bir neçə saat sonra, Ərdəbil əyalətinin hava limanlarının baş direktoru Məhəmməd Qəssabi vəzifəsindən azad edilib.

Bir neçə saat sonra, çərşənbə günü, axşam Ərdəbil Əyalət Hava Limanlarının baş direktorunun işdən çıxarılması və dərhal dəyişdirilməsi haqqında fərman verilib.

Hazırda Ərdəbil Əyalət Hava Limanlarının rəhbəri vəzifəsini Ərdəbil Əyalət Hava Limanlarının icraçı direktorunun müavini Razinejad icra edir. Məhəmməd Qəsabinin dəyişdirilməsi ilə bağlı rəsmi qərar hələ dərc edilməyib.