Evin həbsxanasında Əbdüləziz Əzimi Qədim huşunu itirib

GADTB: Çərşənbə günü, 5 Azər tarixində Evin həbsxanasından alınan məlumatlara görə, azərbaycanlı siyasi məhbus Əbdüləziz Əzimi Qədim namaz qıldığı zaman aclıq aksiyasının mənfi təsirləri nəticəsində huşunu itirib.

Mənbələr bildirir ki, o, huşsuz vəziyyətdə həbsxananın tibb məntəqəsinə aparılıb. Məlumata əsasən, səhhətinin ağır olmasına baxmayaraq, Əzimi Qədim ona serum vurulmasına razılıq verməyib.

Azərbaycanlı milli fəal Əbdüləziz Əzimi Qədim həm ədalətsizliklərə etiraz olaraq, həm də digər iki siyasi məhbus – Vədud Əsədi və Tahir Nəqəvinin aclıq aksiyasına dəstək məqsədilə aclıq aksiyası keçirir.