Molla rejimi Qaşqay türkünü etirazlarda güllələdi

GADTB: İranda davam edən etiraz aksiyaları zamanı daha bir gəncin həlak olduğu bildirilir. Tehran Universitetinin italyan dili ixtisası üzrə tələbəsi Rəha (Zəhra) Bəhlulipur İran rejiminin təhlükəsizlik qüvvələri tərəfindən güllələnərək öldürülüb.

Məlumata görə, Qaşqay türklərindən olan Rəha Bəhlulipur yanvarın 9-da birbaşa hədəfə alınıb. Açılan atəş nəticəsində güllə onun ağciyərinə dəyib və öyrənci aldığı ağır xəsarətlərdən həyatını itirib.

21 dekabr 2002-ci il təvəllüdlü Rəha Bəhlulipur dörd nəfərlik ailənin ikinci övladı olub. Onun yaxınları bildirir ki, öldürülməzdən az öncə sosial mediada paylaşdığı qısa mesajda “əbədi azadlıq” arzusunu ifadə edib. Məlumata əsasən, Rəhanın dəfn mərasimi onun doğulduğu Firuzabad şəhərində keçirilib.