İran-ABŞ danışıqları bazar ertəsi günü keçiriləcək

GADTB: CNN telekanalı İran mənbələrinə istinadən verdiyi məlumata görə, Tehran və Vaşinqton arasında danışıqların növbəti mərhələsi bazar ertəsi günü İslamabadda keçiriləcək.

Nümayəndə heyətlərinin danışıqların başlamasından bir gün əvvəl, bazar günü Pakistan paytaxtına gəlməsi gözlənilir.

Görüşdə dialoqun irəliləməsi səylərinin bir hissəsi olaraq tərəflər arasında son məsləhətləşmələr davam etdiriləcək.

Ötən həftə yüksək səviyyəli danışıqlar münaqişəyə son qoya biləcək irəliləyiş olmadan başa çatdı. Lakin son günlərdə yeni görüşün təşkili ətrafında fəaliyyət nəzərəçarpacaq dərəcədə artıb.

ABŞ prezidenti Donald Tramp dünən İranla danışıqların gedişatını müsbət qiymətləndirdi və razılaşmanın “çox yaxın” olduğunu bildirdi.