Tramp: ABŞ rəsmiləri SEPAH rəhbərləri ilə birbaşa danışırlar

GADTB: ABŞ Prezidenti Donald Tramp bazar ertəsi, 26 mordad, Fox News telekanalına müsahibəsində ABŞ-ın SEPAH ilə “gizli əlaqə kanalı”na malik olduğunu və amerikalı rəsmilərin İrandakı SEPAH rəsmiləri ilə birbaşa danışdıqlarını bildirib.

Tramp əlavə edib ki, ABŞ-ın indiyədək istifadə etdiyi sursat ölkənin malik olduğu hərbi imkanlarla müqayisədə “cüzi” olub. O, ABŞ-ın çoxlu sayda orta səviyyəli silahlara malik olduğunu, bir çox qabaqcıl silah sistemlərinin isə Co Baydenin prezidentliyi dövründə Ukraynaya verildiyini deyib.

ABŞ Prezidenti əlavə edib: “İran İslam Respublikası ağ təslim bayrağını qaldırmalıdır. Onlar yaxşı poker oyunçularıdır, amma ölürlər.”

Tramp İsraildə keçiriləcək seçkilərlə bağlı da danışaraq bu seçkilərə müdaxilə etməməyi üstün tutduğunu, lakin namizədlərdən birinə dəstək verə biləcəyini bildirib.

O, HƏMAS barədə isə ABŞ-ın bu qrupla fərqli əlaqə kanalının olduğunu və nəticədə HƏMAS-ın silahlarını yerə qoyacağını deyib.

Tramp Qəzzadakı müharibəyə də toxunaraq İsrailin Qəzzada hücumları davam etdirməməli olduğunu bildirib. Onun sözlərinə görə, HƏMAS silahlarını yerə qoymağa razılıq verib.